Trescalan(-verticila)
Hypericum coris
Hypericaceae Guttiferaceae
Noms en français : Millepertuis verticillé, Coris jaune.
Descripcioun :Aquéu trescalan trachis sus li roucas de mountagno. Se recounèis à si fueio verdalo envirtouiado e verticilado pèr 3 à 5. La souco èi lignouso, li flour, en paumo flaco.
Usanço :Couneissèn pas d'usanço particuliero pèr aquéu trescalan. Ei bessai proche de l'erbo-de-l'òli-rouge. Escriéure au site se n'en sabès mai.
Port : Pichoto planto lignouso
Taio : Pancaro entresigna
Fueio : verticilado
Tipe bioulougico : Emicriptoufite
Cicle bioulougico : Planto renadivo
Gènre : Hypericum
Famiho : Hypericaceae
Famiho classico : Guttiferaceae
Ordre : Malpighiales
Coulour de la flour :
Jauno
Petalo : 5
Ø (o loungour) flour : Pancaro entresigna
Flourido :
Estiéu
Sòu : Ca
Autour basso e auto :
Pancaro entresigna
Aparado : Noun
Liò : Mountagno mejano
- Basso mountagno
- Roucas
Estànci : Subremediterran à Subaupen
Couroulougi :
Pancaro entresigna
Ref. sc. : Hypericum coris L., 1753
Jussìo(-di-gràndi-flour)
Ludwigia grandiflora
Onagraceae
Nom en français : Jussie à grandes fleurs.
Descripcioun :La jussìo-di-gràndi-flour es uno planto que trachis dins lis aigo morto e li roubino. S'un cop arribo dins un relarg, trachis à noun plus e envahis tout, coume sa cousino la jussìo-fausso-bourtoulaigo-d'aigo, Ludwigia peploides. Se recounèis de segur à si gràndi flour jauno e subretout que se tèn bèn drecho au contro de sa cousino. Pèr èstre segur, fau aluca lis estipulo que soun en pouncho eici e pas redouno. Aquesto jussìo es esterlo (2n = 80) e sa subsp. ié dison hexapetala.
Usanço :A bessai d'ùni prouprieta mau couneigudo, mai s'avès lou courage, la fau derraba tre que n'en vesès.
Port : Erbo
Taio : 0,2 à 2 m
Fueio : alterno
Tipe bioulougico : Idroufite
Cicle bioulougico : Planto renadivo
Gènre : Ludwigia
Famiho : Onagraceae
Ordre : Myrtales
Coulour de la flour :
Jauno
Petalo : 5
Ø (o loungour) flour : 2,8 à 5 cm
Flourido : Printèms
- Estiéu - Autouno
Sòu : Ca
Autour basso e auto : 0 à 600 m
Aparado : Noun
Remarco : Planto envahissènto
Jun à nouvèmbre
Liò : Aigo
- Roubino
Estànci : Mesoumediterran à Coulinen
Couroulougi : Óurigino neoutroupicalo
Ref. sc. : Ludwigia grandiflora (Michx.) Greuter & Burdet, 1987